O SABOR DA AVENTURA ESTÁ NO MAR

Na última semana de escola, recibimos no centro a visita dos organizadores do Obradoiro "O sabor da aventura está no mar" realizado en dúas sesións cos rapaces e rapazas de 1º e 2º e despois cos de 3º e 4º.

Durante este obradoiro, informouse e concienciouse sobre a importancia de respetar e ao mesmo tempo respetar os produtos do mar. Presentaron un video no que uns personaxes collían superpoderes en función do peixe favorito que consumían, fixeron dinámicas de xogo divertidas e ao final, rapaces e rapazas comprometéronse a comer peixe e marisco firmando un contrato cos organizadores.

Foi unha xornada diferente na que esperamos que o obxetivo principal se cumprira!

ANIVERSARIOS SAUDABLES ASHLEY, GORKA, ALMA, UXÍA, MAY E LEO

A mestra de 2º de E.Primaria, Cristina, máis os seus rapaces e rapazas, remataron o curso celebrando os aniversarios saudables de Ashley, Gorka, Alma, Uxía, May e Leo.

Para seguirnos a dar leccións de como festexar dunha maneira san e saudable, desta volta, prepararon unhas torradas de pan con tomate e aceite coa axuda de Sara e Cristina.

Mirade como podemos divertirnos e comer mellor sen ter que recurrir ás lambetadas...

PARABÉNS NENOS E NENAS!!!!

XELATINA DE AMORODOS

No noso cole aproveitamos todo o que se pode, e xa que na pasada semana tivemos amorodos no reparto da froita fresca durante os tempos de lecer e tiñan moitas de sobra, dende a cociña prepararon unha deliciosa xelatina de amorodos que os nenos e mestres gozaron na hora da comida.

MOITAS GRAZAS!!!!

"REAL FOOD"

Na aula de apoio coa mestra Noemí, investigaron sobre alimentos saudables para a elaboración dun menú saudable diario no que se incluían as cinco comidas recomendadas. 

Na Internet fixeron unha búsqueda exhaustiva na que compararon os alimentos máis sans con aqueles de procedencia máis inaxeitada; observaron e valoraron as cantidades de aditivos que incluían; compararon prezos (obtendo que os máis caros ao fin eran os que máis insáns eran); fixeron un collage con catálogos de supermercado cos alimentos das cinco comidas principais e redactaron un menú coas súas recomendacións.

Como vedes unha actividade moi completa na que puxeron en marcha tódalas competencias: competencia dixital (búsqueda e uso das Tics), competencia lóxico matemática (traballo dos porcentaxes dos aditivos e manexo do diñeiro, equivalencias de medidas de peso...), competencia aprender a aprender, competencia lingüística (redacción do texto informativo) así como, aspectos relacionados con favorecer a autoestima, potenciar a autonomía, valores...

Velaquí vos deixamos fotos do proceso...

Grazas á profe Noemí e a súa alumna polo traballo!!

ANIVERSARIO SAUDABLE 2º: ICÍA, HUGO E LAURA

E seguindo coa festa rachada, na aula de 2º volveron a celebrar os aniversarios dos nenos e nenas da clase facendo unha tarta. Neste caso empregaron sobaos e marmelada de cereixa.

Moitísimas Felicidades para Icía, Hugo e Laura!!

II SEMANA FROITA FRESCA NOS PATIOS

Segue a ser un éxito isto do reparto de froita durante os tempos de lecer!!

 Estamos encantados 😍😍😍😍😍😍