ANIVERSARIOS SAUDABLES 2º: LEIRE E OLALLA

Na aula de 2º seguen a celebrar os aniversarios dos rapaces e rapazas de xeito saudable e introducindo froita nos seus festexos.

A mestra Cris, desta volta propuxo elaborar uns "canapés" xogando cos sabores: doce e salgado.

• O salgado: rebanda de pan, queixo de untar e tomates cherry
• O doce: rebanda de pan, manteiga de cacahuete, amorodos e lascas de chocolate.

O festexo destes aniversarios permite, ademáis de traballar e valorar a importancia dunha alimentación sá, a cohesión grupal xa que os nenos e nenas gozan de tempo xuntos, traballan a autonomía e multitude de valores (cooperación e colaboración, respeto, amizade, valor de compartir...)

Pero non quedan a gusto con todo isto, senón que tamén hai unha curiosidade na realización destes canapés. Xogan tamén coa aprendizaxe de habilidades matemáticas (medida).

As rebandas son de exactamente 2 cm de grosor. 

Comprobade como o conseguiron nas imaxes!

PARABÉNS LEIRE E OLALLA!!! 

QUE SEXADES MOI FELICES NESTE NOVO ANO!!

FACEMOS MOSTO NA AULA DE 4 ANOS DE ED.INFANTIL

No mes de setembro, as nenas e nenos de 4 anos do noso cole xunto coa súa mestra Elena, fixeron un delicioso mosto de boa man.

Antes de degustar a bebida, recrearon dun xeito fascinante unha situación de vendima

Os pasos que seguiron para a súa elaboración foron os seguintes:

1. Recollida das uvas, cortándoas do fío, semellando recollelas das propias cepas.
2. Separar as uvas dos acios e poñer en pratos.
3. Pasar as uvas por auga para limpalas.
4. Esmagar as uvas.
5. Coar 
6. BEBER!!!!

Pasaron un día xenial e de seguro aprenderon un montón!

Velaí vos deixamos as fotos do seu traballo!